An overenn santél
           Eskopti Gwéned          
              

1-Intron Santéz-Anna,
Mamm karet Breizh-Izél
Groeit ma veem drest peb tra
De Zoué perpet fidél.

D/O mamm karet,
or goarantet
doh an danjér
é peb amzér.

2-Patroméz Breizh-Izél
Dohoh on-es rekour :
Taolet àrnom ur sell
ha reit deom ho sekour.

3-Intron lan a zoustér
E on oll dobérioù
Diskoeit én or hevér
Gelloud ho pedennoù.

4-Ho kalon zo digor
Eid ar varteloded ;
Ni a zo tud a vor
Mamm vad, or chelaouet.

5-Pe saù an houlennoù
Drest or bagig distér,
kleùet or pedennoù
Tennet-ni a zanjér.

6-Or michér on laka
Er mem danjér bamdé,
Intron Santéz-Anna
goarantet or buhé.

7-Or horv hag on inéan
a hloestram deoh ged joé ;
O Mamm, a lein an néañv
sellet-ni ged truhé.

8-Goulennet ma veem
Krichénion greduz,
ha ma heliehem
Perpet lézenn Jézus.

9-Goarantet-ni, o Mamm,
doh ar péhed marùél,
eid m'on havo divlam
ar barnour éternél.