An overenn santél
           Eskopti Gwéned          
              

1-E kreiz an noz didrouz, an Eled en-des kanet

Doéré mad, doéré mad ! Ar salvér a zo ganet.

Revo é lein an néañv mélasion de Zoué, é dad

Ha peah àr oll an douar d'an dud a volanté vad.

2-Ar mézoù Bethléem, én un tammig marchaosi

d'an eur a hanter-noz, éma ganet ar Mési

Ridet, ô bugulion, ar Mab-sé a zo ho Roué

Ridet d'en inourein ar Mab-sé a zo Mab Doué.

3-Ar bed a yé de goll, Noz ar péhed er golé

A-houdé pewar mil vlé, mab-dén ér gloéz a ouilé

Glahar lan é galon, lan é gorv a zrougoù garù

Edan bili an diaul, mab-dén a gerhé d'ar marù.

4-Mes ur stirennig dous en-des luéhet én néañv du,

ur ganenn estlamuz a saù joéiuz a beb tu.

O douar, taù ged ar souezh dirag ar burhud neùé :

Eid salvein an dud oll, Doué en em hra dén eùé.

5-Ar wirioné breman é peb léh a dreméno,

hèol mad ar garanté, ér bed a-bèh, a splanno ;

Ar peah a vo roué ér bed ; ne vo mui poén na daroù,

Rag ur hrouédur bihan zo ganet deom én ur hraou.

6-O Ya ! huchet, Eled : "De Zoué, gloér é lein an né !"

Galùet de graou Jézus ar vugulion, ar rouané ;

Kanet ihuél, ihuél, reit er hleùet d'ar ré bouar,

ma tei de Vethléem an dud a bewar horn an douarn.

7-Em dolpein a hreint oll àrdro ar Mabig Jézus ;

Ar peur a zizolo é drebilloù hirizuz,

ar pinùidig eùé a laro é boén kuzhet.

Hag ar péhour a zei de govésad é béhed.

8-Jézus a chelaouo, hag a greiz é hwélé-plouz

predeg a hrei dehé komzoù fur ha komzoù dous ;

geton d'é Galon-Doué or halon peur vo staget

Ha peb ankin nezé a neijo kuit èl moged.

9-O Intron Varia, Gwerhiéz heb kousiadur,

Drest oll ar vugalé, benniget é ho krouédur,

Re-veh eùé mélet, o Mamm, drest an oll mammoù,

Rag drézoh é ta Doué de dorrein ol liammoù.

10-Trugéré deoh, men Doué, de virùikén trugéré.

A ho(s) oll-vadelezh; ni a strèùo an doéré :

Beb blé de Nandeleg ged joé, é kaneem breman

Salvedigezh an douar en-des em hroeit an noz-man.