An overenn santél
           Eskopti Gwéned          
              

 

Pedennoù

él 5ved a Hoareiz blé A

 

 

Pennad tennet a Livr Jérémi.

-Komz an Aotrou Doué : chetu déioù é toned
 hag a hrein un emgleù neùé ged tiegezh Israel ha ged familh Juda.
Ne vo ket èl an emgleù
él an hani em-es bet ged o zadoù,
an dé m’em-boé kroget én o daouorn
eid o zennein ér méz a vro Ejipt :
an emgleù-sé, éma bet torret geté,
ha neoah éh oén o mestr,
-komz an Aotrou Doué.
Chetu pesort emgleù a hrein
ged tiegezh Israel,
pe vo treménet an déioù-sé,
komz an Aotrou Doué.
Me lézenn a lakein
d’an donan anehé
Hag hé skriù a hrein
én o halonoù.
Me vo o Doué,
Hag ind a vo me fobl.
N’o-devo ket mui d’en em gelenn étrezé,
én ul lared  an eil d’égilé :
« Disket de anaoùid an Aotrou Doué
Rag peb unan me anaùo,
Ag an distéran betag ar brasan :
Komz an Aotrou Doué.
Pardonein a hrein an droug o-des groeit
Ha ne zalhein ket mui sonj ag o féhédoù.

 

Psalm 50

O men Doué, lakeit ennon ur galon divlam. 

pé
 Ho pet sonj ahanon, men Doué ged karanté

Ho pet truhé dohon, o men Doué, revé ar vrasted a ho madelezh.
Revé ar vrasted a ho karanté, lammet a-ziàrnon me fallanté.
Golhet mé muioh-mui a me lousoni
Pelleit me féhédoù azohon.

 

Men Doué, krouéet ennon ur galon glan
Ha lakeit ur reizhted neùé é me spéred.
Ne me zaolet ket pell azohoh
Ha ne lamet ket hou Spered santél a m’inéan.

Reit dein joé ar salvedigezh
Ha dalhet ennon ur volanté greduz.
Me zisplégo ho lézenn d’ar béherion,
Hag ind a zistroei dohoh.

 

Pennad tennet a lihér Sant Paol d’an Hébruzed

Tré ma viùé ar Hrist àr an douar, ged un taol boéh kriù ha daroù, é kinnigas pedennoù hag aspedennoù de Doué, an Hani a hellé er salvein ag ar marù.
Chelaouet é bet én arbenn ag é zoujans bras Doué.
Ha boud éh oé ar Mab,
é tiskas dré é boénioù petra oé sentein.
Ambrouget betag ar bazenn ihuellan, éma deit de voud, eid an oll a sentan dohton, penn-kaoz ar salvedigezh peurbaduz.

Chetu komz Doué

 

 

Youhadenn

An neb a faot dehon me servij, deli é dehon me héli, emé ar Salvér. Rag léh ma on, é vo eùé me servitour

 

Aviél Jézus-Krist revé Sant Iehann

En amzér-hont,
boud a oé Grésianed, mar a unan, é-mesk ar ré a oé deit betag Jéruzalem d’adorein Doué épad ar Gouilioù Pask.
Ind a dosta de Filip hag a oé a Vetsaïd, ér Galilé, eid goulen geton an dra-man :
« Aotrou, emé ind, ni a garehé gwéled Jézus ».
Filip a lar an dra-sé d’Andrèù ; Andrèù d’é dro de Filip el lar de Jézus.
Ha Jézus a reskond dehé ar homzoù-man :
« Deit é an eur ma teli Mab an dén boud saùet én é hloér.
E gwirioné, é gwirioné, m’el lar deoh, ma ne varù ket ar gran gwénézh a goéh én douar,
Ean a chom én é unan ;
Mes mar da ha merùel,
Ean a zoug éleizh a fréh.
An hani a gar é vuhé er hollo ;
Mes an hani
en-des kaz doh é vuhé
ér bed-man hé goarn eid ar vuhé peurbaduz.
An neb me servij,
deet àr me lerh,
Hag él léh ma on mé,
Anehont é vo é vo eùé me servijour.
An neb em servijo
A vo inouret ged me Zad.

Breman éma treboulet me inéan.
Ha petra a larein-mé ?
Me Zad, salvet-mé ag an eur-sé ?
Mes, eid an eur-sé mem
éh on deit !
Me Zad, inouret ho hanù !
Ha deit ur voéh ag an néañ ha laret :
Inouret em-es ean ha m’en inouro hoah.
Ar bobl a oé enno hag en-devoé kleùet a laré : Ar gurun é.
Ré-rall a laré :
Un El en-des komzet dohton.
Jézus a reskondas :
N’é ket eidon-mé,
Mes eidoh-hwi éma deit
Ar voéh-sé.
Breman é vo barnet ar bed-man ;
Breman éh a mestr ar bed-man
De voud skarhet ér méz.
Ha mé, pe vein saùet adrest an douar,
Me denno an oll devadon ».

Ean a gomzé èlsé eid rein de gompren
Pé sort marù a zelié en-devoud d’andur.