Préfas ar ré varù
E gwirioné, Tad santél,
Doué oll-gelloudeg ha peurbaduz
un dra just ha déliet é ho trugérékad
é peb léh hag é peb amzér
dré Jézus-Krist, or Salvér.
Rag drézon é splann diragzom
an espérans de seùel un dé a varù de viù.
Ha deusto man dom glaharet
é chonjal éma deli deom merùel,
éh om konfortet ged promes ar vuhé divarùél.
Rag aveid ho tud fidél, Aotrou Doué,
nen dé ket kollet ar vuhé,
med troeit hebkén én ur vuhé kaeroh.
A pe vo dismantret demeurans on inéan àr an douar,
é vo reit deom unan peurbaduz ér Baradouiz.
Rag-sé, unanet ged an Eled hag an Arhéled
ha ged oll speredoù gelloudeg an néañv,
é kanam mélasion d'ho kloér én ul lared de virùikén.
Santél