Préfas an Nandeleg
E gwirioné, Tad santél,
Doué oll-gelloudeg ha peurbaduz
un dra just ha déliet é ho trugérékad
é peb léh hag é peb amzér
dré Jézus-Krist, or Salvér.
Rag, dré vistér ho Mab deit de vous dén
e-hues lakeit sklerdér ho kloér
de lugernein dirag on speredoù ged ur splanndér neùé.
Ha breman, pe anaùam Doué édan un natur-dén a wélam,
éh om douget drézon de garein ar péh ne wélam ket.
Rag-sé, unanet ged an Eled hag an Arhéled
ha ged oll Speredoù gelloudeg an néañ,
é kanam mélasion d’ho kloér
én ul lared de virùikén :