An overenn santél
           Eskopti Gwéned          
              

E gwirioné, Tad Santél, Doué oll-gelloudeg ha peurbaduz,
un dra just ha déliet é ho trugérékad
é peb léh hag é peb amzér,
dré Jézus-Kruist, or Salvér.

Rag énnon en-des plijet deoh unanein peb tra,
ha rein deom boud lodeg é pinùidigezh é vuhé.
Ean hag a zo gwir Doué dré natur
zo dichennet d'an izélan,
hag én ur skuill é hoèd àr ar groéz
en-des reit d'ar bed ho peah hag ho pardon.

Ha breman, saùet drest an oll draoù krouéet,
éma eid ar ré a sent doh é voéh
salvedigezh ha buhé peurbaduz.

Rag-sé, unanet ged an Eled hag an Arhéled
ha ged oll Speredoù gelloudeg an Néañv,
é kanam mélasion d'ho kloér én ul lared de virùikén.
Santél